Breaking News

Radio Star

विराटनगर, २४ भदौ । साहित्यकार विश्वेश्वरप्रसाद कोइरालाको जन्मजयन्तीका अवसरमा नेपाली लेखक संघ मोरङले काव्यसभा कार्यक्रम सम्पन्न गरेको छ ।
नेपालका प्रथम जननिर्वाचित प्रधानमन्त्रीसमेत रहेका कोइरालाको जन्मजयन्तीको अवसरमा संघले हरेक वर्ष साहित्यिक कार्यक्रम गर्दै आएको छ । विराटनगरमा मंगलबार भएको कार्यक्रममा प्राज्ञ विवश पोखरेल, कविराज पोखरेल, भूषण ढुंगेल, चूडामणि नेपाल ‘अकिञ्चन’, मधु पोखरेल, गण्डकीपुत्र, मीनकुमार नवोदित, ओम आचार्य, दिङ्लाली कान्छोले आ–आफ्ना सिर्जना प्रस्तुत गरे ।
त्यस्तै राधिका गुरागाईं, मञ्जुश्री गिरी, कविराज न्यौपाने, राधा भट्टराई, ममता श्रेष्ठ, गंगाधर कट्टेल, मञ्जु श्रेष्ठ, लोचन रिजाल, पूजा आराधना, जमुना पौडेल, देवा अधिकारी, मीना श्रेष्ठलगायत दुई दर्जनभन्दा बढी स्रष्टाहरूले सिर्जना वाचन गरेका थिए । संघका अध्यक्ष गोकुल अधिकारीको अध्यक्षता र अग्रज साहित्यकार रमाप्रसाद रिजालको प्रमुख आतिथ्यमा भएको कार्यक्रममा प्राज्ञ विवश पोखरेल, वरिष्ठ समालोचक दधिराज सुवेदी, अग्रज साहित्यकार बलराम पोखरेल, वसुश्री पाण्डे, परोपकार अभियान समूहका अध्यक्ष बाबुराम न्यौपाने, महासचिव किशोर भट्टराईलगायतले नेपाली साहित्य र प्रजातान्त्रिक आन्दोलनमा वीपीले पु¥याएको योगदानको चर्चा गरे ।

कोइरालाको साहित्यमा राजनीतिक गन्ध नपाउने बताउँदै राजनीतिमा जस्तै साहित्यमा पनि उनको उचाइ उच्च रहेको वक्ताहरूको भनाइ छ । नेपाली साहित्यमा यौन मनोविज्ञानलाई भित्र्याउने कोइरालाका सुम्निमा, नरेन्द्र दाइ, तीन घुम्तीलगायत चर्चित कृति प्रकाशित छन् ।

प्रकाशित मिति : २४ भाद्र २०७६, मंगलवार २०:३६

सम्पर्क

विराट सन्देश डिजिटल अनलाईन

विराटनगर- ५, चादनी चोक

मोरङ, नेपाल

फोन नम्बर ०२१४६२८४३ 

मोबाईल- ९८४२०२०५४६, ९८६२०३७३४०

ईमेल-  [email protected]

हाम्रो समूह

१. शेखर रेग्मी- प्रधान सम्पादक
२. मीनकुमार नवोदित- सम्पादक
३. गोपाल पोखरेल- सह सम्पादक
४. सुशिला पाठक- कार्यकारी सम्पादक
५. धिरज दाहाल- समाचार संयोजक
६. सुशान्त रिजाल- प्रबन्ध निर्देशक
७. आशिष भट्टराई- निर्देशक

 

 

© 2019 Sakira Media Network Pvt. Ltd. | All Right Reserved.

Facebook