Breaking News

Radio Star

विराटनगर, २ माघ । विराटनगरस्थित आरोहण गुरुकुलको सुशीला कोइराला नाटकघरमा काव्यारोहण शृंखलाको तेस्रो भागमा धरानका वरिष्ठ कवि बम देवान प्रस्तुत हुने भएका छन् ।
हरेक महिनाको पहिलो शनिबार आयोजना हुने कार्यक्रमअन्तर्गत माघको शृंखलामा आरोहणले देवानलाई प्रस्तुत गर्न लागेको हो । माघ ४ गते हुने शृंखलामा देवानले एक दर्जन आफ्ना सशक्त कविता प्रस्तुत गर्नेछन् । देवानले साहित्यमा विम्बको प्रयोग गरेर प्रगतिशील, माक्र्सवादी, जनवादी साहित्यलाई जीवन्तता दिएका छन् । पञ्चायतकालमा दर्शन राईको नामबाट साहित्य सिर्जना गरेका उनी राजनीति र साहित्यलाई सँगै हिंडाउने वामविचारकका रुपमा परिचित छन् ।
२००३ साल मंसिरमा संखुवासभाको आँधीभूइँमा जन्मिएका देवानको साहित्य लेखन २०२१ सालदेखि सुरु भएको थियो । प्रकृति र मानिसलाई उचालेर वर्गीय धरातलमा उभिएर लेख्ने गर्दछन् देवान । हाम्रो गीत, हाम्रो आवाज (२०२९) र आगाको खेती कवितासंग्रह प्रकाशित छन् । कविताबाहेक गीत र कथा लेखनमा सक्रिय देवान ‘आमा दिदीबहिनी हो कति बस्छौ दासी भई, सुखको सधैं प्यासी बनेर’ बोलको चर्चित गीतका रचनाकारसमेत हुनु् । उनी वि.सं. २०४३ देखि २०४७६ सालसम्म धरान नगर पञ्चायतको प्रधानपञ्चसमेत भएका थिए ।
गुरुकुलले हरेक महिनाको पहिलो शनिबार ख्यातिप्राप्त नेपाली कविहरूको कवितावाचनको शृंखला काव्यारोहण आरोहण कवितायात्रा सञ्चालनमा ल्याइएको कार्यक्रम संयोजक धीरज राईले जानकारी दिए । आरोहण गुरुकुलले साहित्य र रंगमञ्चलाई सँगसँगै अगाडि बढाइरहेको अध्यक्ष भैरव क्षेत्रीले बताए । यसअघिको गुरुकुलले शृंखलामा वरिष्ठ कवि बैरागी काइँला र तुलसी दिवसलाई उभ्याइसकेको छ ।

प्रकाशित मिति : २ माघ २०७६, बिहीबार १९:२९

सम्पर्क

विराट सन्देश डिजिटल अनलाईन

विराटनगर- ५, चादनी चोक

मोरङ, नेपाल

फोन नम्बर ०२१४६२८४३ 

मोबाईल- ९८४२०२०५४६, ९८६२०३७३४०

ईमेल-  [email protected]

हाम्रो समूह

१. शेखर रेग्मी- प्रधान सम्पादक
२. मीनकुमार नवोदित- सम्पादक
३. गोपाल पोखरेल- सह सम्पादक
४. सुशिला पाठक- कार्यकारी सम्पादक
५. धिरज दाहाल- समाचार संयोजक
६. सुशान्त रिजाल- प्रबन्ध निर्देशक
७. आशिष भट्टराई- निर्देशक

 

 

© 2019 Sakira Media Network Pvt. Ltd. | All Right Reserved.

Facebook